भोगवटा पत्राशिवाय घर घेणं ठरेल धोकादायक; प्लॉट, फ्लॅट वा शेतजमीन घेताना OC घेण्याची खातरजमा करा
तुम्ही फ्लॅट किंवा घराचा ताबा घेणार असाल, तर थोडं थांबा आणि आधी तुमच्या बिल्डरकडून ताबा प्रमाणपत्र म्हणजे occupation certificate घ्यायला विसरू नका. या प्रमाणपत्राशिवाय घर किंवा फ्लॅटचा ताबा घेतल्यास तुम्ही अडचणीत येऊ शकता, तुमचे पैसे बुडू शकतात आणि तुम्हाला राहण्याची जागाही नाकारली जाऊ शकते.
भारतातील रिअल इस्टेट क्षेत्रात अशी अनेक प्रकरणे आहेत ज्यामध्ये एका बिल्डरने ताबा प्रमाणपत्र न घेताच घर खरेदीदारांना घराचा ताबा देऊन मोकळे होतात. लोक आपल्या कष्टाच्या कमाईने घेतलेल्या घराचा ताबा घेऊन आधी सुरुवातीला हर्षवायू होतात, पण नंतर काही दिवसांनंतरच त्यांच्या आनंदावर विरजण पडलं जेव्हा प्रशासनाकडून त्यांना नोटीस मिळते की इमारतीला अद्याप OC प्रमाणपत्र मिळालेले नाही आणि तिथे राहण्याची परवानगी दिली जाणार नाही.अशा परिस्थितीत, लोक पैसे भरूनही घर खरेदीदार बिल्डरच्या फसवणुकीला बळी पडतात आणि त्यांना फसवल्यासारखे वाटत आहे. तुम्हीसुद्धा घराचा ताबा घेणार असाल, तर या दस्तऐवजाचे महत्त्व नक्की समजून घ्या.
भोगवटा प्रमाणपत्र म्हणजे काय ?
भोगवटा प्रमाणपत्र किंवा OC म्हणजे नक्की काय आणि घर खरेदीदारांसाठी इतके महत्त्वाचे का आहे? कोणतीही इमारत पूर्ण झाल्यावर, संबंधित विकास प्राधिकरण, महामंडळ किंवा इतर सरकारी संस्थेकडून भोगवटा प्रमाणपत्र मिळवणे अनिवार्य जे एक कायदेशीर दस्तऐवज आहे आणि यावरून घर किंवा इमारत नियमांनुसार बांधली गेली आहे आणि सर्व मानके पूर्ण केल्याचे दर्शवते. सरकारी संस्थेने इमारतीला मंजुरी दिल्यानंतरच इमारत खरेदीदारांच्या ताब्यात देण्याचा नियम आहे, पण अनेक बांधकाम व्यावसायिक यात फसवणूक करतात, ज्याचे परिणाम खरेदी करणाऱ्यांना भोगावे लागतात.
OC कागदपत्रात नेमकं काय असतं?
- इमारत शासकीय संस्थेने मंजूर केलेल्या आराखड्यानुसार बांधली गेल्याचे ओसी दस्तऐवज दर्शवते.
- तसेच, इमारत राष्ट्रीय बांधकाम संहिता आणि अग्निसुरक्षा व बांधकाम सुरक्षा यांसारख्या सुरक्षा मानकांचे पालन करते.
- इमारतीच्या बांधकामासाठी पर्यावरणीय नियम आणि जलनिःसारण व सांडपाणी व्यवस्था यांसारख्या इतर सर्व मंजुऱ्या मिळवलेल्याचे या कागदपत्रात नमूद केलेले असते.
- शेवटी संबंधित घर किंवा इमारत पूर्णपणे सुरक्षित आणि राहण्यायोग्य असल्याचे या कागदपत्रावरून सिद्ध होते.
OC शिवाय घराचा ताबा घेतल्यास काय होतं?
घर किंवा फ्लॅटचा ताबा मिळवण्यासाठी ओसी आवश्यक आहे.रेरा कायद्यानुसार, OC शिवाय ताबा घेणे पूर्णपणे बेकायदेशीर मानले जाते.अशा परिस्थितीत, सरकारी एजन्सीद्वारे इमारत बेकायदेशीर घोषित केली जाऊ शकते आणि रहिवाशांना बाहेर काढले जाऊ शकते. इमारतीला आग लागली, लिफ्ट कोसळली किंवा इतर कोणताही अपघात झाल्यास ओसीशिवाय इमारतीत राहणाऱ्यांना नुकसान भरपाई मिळण्याचा हक्क राहणार नाही. इतकेच नाही, तर अधिकारी बिल्डर आणि रहिवाशांवर दंडही आकारू शकतात.
ओसी आणि सीसीमध्ये गोंधळू नका
बरेच लोक ओसी आणि सीसीमध्ये गोंधळून जातात. लोकांना वाटतं की बिल्डरने बांधकाम पूर्ण झाल्याचे प्रमाणपत्र (CC) दिले, तर OC ची गरज नाही. पण, बांधकाम पूर्ण झाल्याचे प्रमाणपत्र केवळ घराचे बांधकाम पूर्ण झाल्याची पुष्टी करते, जे एका सरकारी संस्थेद्वारे जारी केले जातात. त्याच वेळी, ओसीइमारत केवळ इमारत राहण्यायोग्य असल्याची पुष्टी करते. त्यामुळे, घर खरेदीदारांनी ताबा घेण्यापूर्वी दोन्ही प्रमाणपत्रांची मागणी केली पाहिजे.
--------------------------------------------------------
