मुख्यमंत्री सौर कृषि पंप योजना व पीएम कुसुम योजना अर्ज प्रक्रिया सुरु; जाणून घ्या संपूर्ण माहिती

मुख्यमंत्री सौर कृषि पंप योजना व पीएम कुसुम योजना अर्ज प्रक्रिया सुरु; जाणून घ्या संपूर्ण माहिती

आपल्याकडे शेती असल्यास किंवा आपण शेती करीत असाल तर ही माहिती आपल्यासाठी खूप फायदेशीर ठरू शकेल. आपल्या शेतात विजेची मोठी समस्या असेल्यामुळे आपण आपल्या शेतात सौर पंप स्थापित करण्याचा विचार करीत असाल तर, ही माहिती आपल्याला दिशादर्शक ठरू शकते. महाराष्ट्र शासनाने राज्यातील शेतकर्‍यांसाठी बऱ्यांच योजना आयोजित केल्या आहेत. मुख्यमंत्री सोलर कृषी पंप योजना हि सुद्धा एक महत्वकांक्षी योजना आहे. तुम्ही ऑनलाईन पद्धतीने या योजनेसाठी अर्ज करू शकता.

मुख्यमंत्री सौर कृषी पंप योजना

शेतकर्‍यांना शेतीसाठी पाणी देण्याच्या समस्येवर मात करण्यासाठी महाराष्ट्र सरकारने एक योजना सुरू केली आहे.

शेतातील विजेची समस्या असलेल्या कोणत्याही शेतकऱ्यासाठी आणि विजेमुळे जे शेतकरी शेताला पाणी देऊ शकत नाही अश्या शेतकऱ्यांसाठी सरकारने मुख्यमंत्री सौर कृषी पंप योजना सुरू केली आहे. मुख्यमंत्री सौर कृषी पंपमार्फत आपल्या शेतातील पाण्याच्या समस्येपासून आपण मुक्त होऊ शकता.

सौरकृषीपंपाचे फायदे

1) दिवसा शेतीपंपास वीजेची उपलब्धता

2) दिवसा विनाव्यतय अखंडित वीज पुरवठा

3) वीज बिलापासून मुक्तता

4) डिझेल पंपाच्या तुलनेत शून्य परिचलन खर्च

5) पर्यावरण पुरक परिचलन

6) शेती सिंचनाचा भाग वीज सबसिडीपासून पृथ्थकरण करणे

7) औद्योगिक, वाणिज्यिक व घरगुती वीज ग्राहकांवरील क्रास सबसिडीचा बोजा कमीकरणे

मुख्यमंत्री सौर कृषी पंप योजनेसाठी ऑनलाईन अर्ज कसा करावा? पीएम कुसुम योजना

या वेबसाइटला भेट द्या 

https://www.mahadiscom.in/solar/

तिथे आपल्याला ए - 1 फॉर्म मिळेल, त्या फॉर्मवर आपल्याला सर्व माहिती योग्य मार्गाने भरावी लागेल.

ए -1 फॉर्मसह आपल्याला आपली काही कागदपत्रे देखील अपलोड करायची आहेत.

सीएम सौर कृषी पंपसाठी कोणत्या कागदपत्रांची आवश्यकता आहे?

• 7/12 उतारा (विहिर | कुपनलिका शेतात असल्यास 7/12 उताऱ्यावर नोंद आवश्यक ) एकापेक्षा जास्त नावे असल्यास इतर भोगवटादाराचे ना हरकत प्रमाणपत्र रू. 200/- च्या मुद्रांक कागदावर सादर करावे.
• आधारकार्ड प्रत.
• रद्द केलेली धनादेश प्रत / बँक पासबुक प्रत,
• पासपोर्ट आकाराचा फोटो,
• शेत जमीन / विहिर / पाण्याचा पंप सामाईक असल्यास इतर भागीदाराचे ना हरकत प्रतिज्ञापत्र ही सादर करावे लागेल.

लाभार्थी निवडीचे पात्रता निकष – (3 व 5 अश्वशक्ती) 

1) शेतकऱ्याकडे शाश्वत जलस्त्रोत असलेली शेतजमीन असणे.

2) पारंपारिक पध्दतीने कृषीपंपाकरिता विदयुत जोडणी न झालेले शेतकरी.

3) 5 एकरापर्यंत शेतजमीन धारकास 3 अश्वशक्ती सौर कृषीपंप व 5 Absolutely जास्त शेतजमीन धारकास 5 अश्वशक्ती व 7.5 अश्वशक्ती सौर कृषीपंप देय असेल.

यापुर्वी शासनाच्या कुठल्याही योजनेद्वारे कृषीपंपाचा लाभ न घेतलेले शेतकरी.

4) अतिदुर्गम व आदिवासी भागातील शेतकऱ्यास प्राधान्य.

5) वन विभागाचे ना हरकत प्रमाणपत्र मिळत नसल्याने अद्याप विदयुतीकरण न झालेल्या गावातील शेतकरी.

6) “धडक सिंचन योजना” अंतर्गत लाभ घेतलेले शेतकरी.

7) महावितरणकडे विदयुत जोडणीसाठी पैसे भरुन प्रलंबित असलेले शेतकरीअर्जदार.

लाभार्थी निवडीचे पात्रता निकष 7.5 अश्वशक्ती सौर कृषीपंप करिता:

1) विहिर किंवा कूपनलीका यापैकी जलस्त्रोत असणे आवश्यक आहे.

2) अद्यावत भूजल अंदाज अहवालानुसार अतिशोषित, शोषीत आणि अंशत: शोषीत क्षेत्रामधील (गावांमधील) विहीरींमध्ये व कूपनलीकांमध्ये नवीन सौर पंप देणे अनुज्ञेय असणार नाही.

3) अद्यावत भूजल अंदाज अहवालानुसार ज्या सुरक्षीत पाणालोट क्षेत्रांची उपशाची स्थिती (stage of extraction) 60 टक्के पेक्षा कमी आहे, अशा क्षेत्रातील गावांमधील विहीरींमध्ये व कूपनलीकांमध्ये नवीन सौर पंप देण्यास पात्र.

4) खडकाचे क्षेत्रात खोदल्या जाणा-या विंधन विहीरी हे शाश्वत सिंचनाचे साधन नसल्यामुळे विंधन विहीरींमध्ये (Bore well), नवीन सौर पंप देणे अनुज्ञेय आसणार नाही. मात्र गाळाचे क्षेत्रामध्ये खोदल्या जाणा-या कूप नलिका हे शाश्वत सिंचनाचे साधन असल्यामुळे सुरक्षीत क्षेत्रामधील कूपनलीकांमध्ये (Tube Well) अ.क्र.2 च्या अधीन राहून, नवीन सौर पंप देणे अनुज्ञेय असणार आहे.

कोणत्याही वर्गवारीतील क्षेत्रामध्ये 60 मी. पेक्षा जास्त खोल असलेल्या विहीरींमध्ये अथवा कूपनलिकेमध्ये नवीन सौर पंप देण्यास पात्र नाही.

      वर्गवारी निहाय लाभार्थी हिस्सा:

  पीएम कुसुम योजना: 90 %  अनुदानावर लावा सोलर पॅनेल; लाखोंची कमाई करत मिळवा 'हे' जबरदस्त फायदे

  तुम्हाला सौरऊर्जेशी संबंधित व्यवसाय सुरू करायचा असेल तर सरकारच्या पंतप्रधान कुसुम योजनेत तुम्ही  सामील होऊ शकता. केंद्र सरकारचे 2022 पर्यंत शेतकर्‍यांचे उत्पन्न दुप्पट करण्याचे उद्दिष्ट आहे. ज्यामुळे केंद्र सरकारने शेतकर्‍यांसाठी अनेक योजना सुरू केल्या आहेत. यातील एक योजना म्हणजे पीएम कुसुम. पीएम कुसुम योजना सन 2019 मध्ये सुरू करण्यात आली होती, त्यानंतर अर्थमंत्र्यांनी या योजनेचा विस्तार 2020 च्या अर्थसंकल्पात केला आहे.

या योजनेंतर्गत शेतकर्‍यांना अनुदानावर सोलर पॅनेल्स मिळतात, ज्यामधून वीज मिळू शकेल. आवश्यकतेनुसार विजेचा वापर करून, उर्वरित विक्री करुन ते अतिरिक्त उत्पन्न मिळवू शकतात.या योजनेद्वारे इलेक्ट्रिक किंवा डिझेलवर चालणारे सिंचन पंप सौर ऊर्जेवर चालणार्‍या पंपमध्ये रुपांतरित केले जातील. त्यांच्या सिंचन कामात सौर पॅनल्समधून निर्माण होणारी वीज प्रथम वापरली जाईल. त्याशिवाय जादा सोडली जाणारी वीज विद्युत वितरण कंपनीला (DISCOM) विक्री करुन 25 वर्षे पैसे मिळू शकतात.

याचा आणखी एक फायदा म्हणजे सौरऊर्जेमुळे डिझेल आणि विजेवरील खर्चही कमी होईल आणि प्रदूषण कमी होईल. सौर पॅनेल 25 वर्षे चालेल आणि त्याची देखभाल देखील सोपी आहे.या योजनेंतर्गत शेतकर्‍यांना त्यांच्या जागेत सौर पॅनेल बसविण्यासाठी केवळ 10% रक्कम द्यावी लागेल. केंद्र व राज्य सरकारे शेतकर्‍यांच्या बँक खात्यात 60 टक्के अनुदान देतात. केंद्र व राज्यांकडून समान योगदानाची तरतूद आहे. त्याचबरोबर बँकेकडून 30 टक्के कर्जाची तरतूद आहे. शेतकरी आपल्या कमाईद्वारे हे कर्ज सहज भरू शकतात.

पीएम कुसुम योजनेंतर्गत अर्जासाठी अधिकृत वेबसाइट 

https://kusum.mahaurja.com/solar/beneficiary/register/Kusum-Yojana-Component-B

वर भेट देऊन नोंदणी करावी लागेल. यासाठी आधार कार्ड, मालमत्तेची कागदपत्रे आणि बँक खात्याची माहिती द्यावी लागेल. सौर प्रकल्प उभारण्यासाठी जमीन उर्जा उपकेंद्राच्या पाच किमीच्या परिघात असावी. शेतकरी स्वतःला किंवा डेवलपरला सौरऊर्जा भाड्याने देऊ शकतात.

पीएम कुसुम योजनेंतर्गत शेतकर्‍यांना सर्वात मोठा फायदा म्हणजे सिंचनासाठी त्यांना विनामूल्य वीज मिळेल. या योजनेमुळे डिझेल आणि केरोसीन तेलावरील शेतकर्‍यांचे अवलंबन कमी होईल. आणखी एक फायदा म्हणजे ते त्याद्वारे तयार केलेली अतिरिक्त वीज कंपनीला विकू शकतील. ज्यामुळे शेतकर्‍यांचे उत्पन्नही वाढेल.

मित्रांनो, माझ्या सर्व पोस्ट माहितीपूर्ण असतात त्या जास्तीत जास्त लोकांच्यापर्यंत जाव्यात, वाचाव्यात, लोकांची फसवणूक होऊ नये हा हेतू असतो.

पोस्ट लाईक, शेअर, कमेंट्स, जरूर करा, वेगवेगळ्या वॉट्सउप ग्रुपवर जास्तीत जास्त व्हायरल करा.

तुम्हाला ही माहिती वाचायला आवडली का ? आम्हाला कमेंट मार्फत नक्की कळवा कारण तुमची एक कमेंट आमचे प्रोत्साहन वाढवत असते....धन्यवाद.!!     

 ------------------------------------------------------------------------ 

संतोष विठ्ठल साळवे..7900094419  साळवे इंटरप्राईजेस...सृष्टी महा ई सुविधा।  https://chat.whatsapp.com/CqVBl oErtgwC6N1JRQkVpf